Aksident në Pogradec, mjet bujqësor përfundon në përroin e fshatit, një i plagosur

Aktualitet | 4 muaj më parë

Një aksident me pasojë plagosjen e një personi ka ndodhur këtë të hënë, 22 qershor, në fshatin Çërravë të Pogradecit. Sipas informacioneve paraprake, një mjet bujqësor ka dalë nga rruga dhe është rrëzuar në përroin e fshatit.

Drejtuesi i mjetit ka pësuar dëmtime dhe është transportuar menjëherë në spitalin e Pogradecit për mjekim. Burime mjekësore bëjnë me dije se, deri më tani, gjendja e tij nuk paraqet rrezik për jetën.

Në vendngjarje ka mbërritur policia e qarkullimit rrugor, e cila po punon për zbardhjen e plotë të rrethanave të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.