Abissnet Superiore në RTSH/ Monolog i Egnatias në Rrogozhinë, nis me disfatë aventura bardheblu e Dean Klafuriç

Abissnet Superiore | 2 muaj më parë

Në “Egnatia Arena” kampionët në fuqi nuk treguan mëshirë karshi Tiranës, e cila nisi sezonin e ri me një humbje të thellë.

Të besuarit e Nevil Dedes përdorën këtë ndeshje si një seancë stërvitore në vigjilje të takimit të kthimit me Lillestrom.

Diabate (9’), Ajetovikj (29’) dhe Sota (40’) ishin autorët e golave, të cilët i dhanë qetësinë e duhur vendasve për të administruar me qetësi pjesën e dytë për të marrë kështu tri pikët e para në këtë sezon të ri.

Për miqtë bardheblu ky start nuk mund të jetë inkurajues për trajnerin Dean Klafuriç, i cili për shkaqe jo sportive nuk mundi që të mbështetej në këtë ndeshje tek lojtarët e afruar gjatë verës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.