Sir Alex Ferguson pranon se mendimi për vdekjen i kalon ndër mend, por nuk ka frikë të vdesë. Trajneri legjendar i Manchester United ka frikë se mund të mos jetojë mjaftueshëm për të parë ekipin e tij të zemrës të zhvendoset në stadiumin e ri.

Në moshën 84-vjeçare, Ferguson i mbijetoi një hemorragjie cerebrale dhe humbjes së bashkëshortes së tij të dashur, Lady Cathy. Tani, në librin e tij të ri “Games of My Life”, Ferguson, fitues i 13 titujve të Premier Ligës, reflekton mbi çështje mjaft delikate.

“Nuk jam nga ata që merren tepër me atë që Krijuesi im ka rezervuar për mua, e as nuk kam frikë nga vdekja. Vdekshmëria na shoqëron gjithmonë, madje edhe në çastet më të papritura”, shkruan 84-vjeçari.

“Jam shumë më i interesuar të nxjerr maksimumin nga jeta. Ka shumë gjëra që dua të bëj dhe shumë njerëz me të cilët dua të kaloj kohë”, tregon ish-tekniku legjendar i United. A.V.