Senatori demokrat Chris Murphy, e ka përshkruar si “një çmenduri” planin ushtarak të administratës Trump për rinisjen e sulmeve ndaj Iranit, pas marrjes së një informimi të detajuar konfidencial.

“Disa nga ne janë informuar mbi planin e luftës. Dhe përderisa nuk mund të zbuloj asnjë detaj, mund të them këtë: ky plan është një çmenduri”, shkruan në rrjetin social X, Chris Murphy. 0

Në intervistën e bashkëngjitur në postim, senatori theksoi se strategjia e propozuar do të ketë pasojat të rënda. “Ky plan do të çojë në një përshkallëzim shkatërrues dhe me shumë gjasa në shkatërrimin e përkushtimit tonë ndaj sundimit të ligjit. Nuk do të arrihen objektivat dhe do të nxisë një cikël të ri përshkallëzimi”, shprehet senatori.

Paralajmërimi i Murphy vjen në një kohë tensionesh të larta politike në Uashington lidhur me drejtimin e politikës ushtarake të SHBA-së në Lindjen e Mesme.

/rtsh.al/