Zjarr në një lokal në katin e fundit të një pallati në Shkodër

Aktualitet | 2 orë më parë

Një ngjarje që ka alarmuar banorët e zonës ka ndodhur pasditen e sotme në qytetin e Shkodrës, ku një zjarr ka rënë në ambientet e një lokali, të pozicionuar në katin e fundit të një ndërtese shumëkatëshe në Sheshin “Demokracia”.

Sipas informacioneve paraprake nga terreni, ambientet e lokalit ku ka rënë zjarri kanë qenë jashtë funksionit prej më shumë se një viti.

Deri më tani nuk dihet shkaku i zjarrit ndërsa bëhet e ditur se lokali është jashtë funksionit prej një viti.

Në vendngjarje kanë mbërritur menjëherë policia dhe shërbimet zjarrfikëse të cilat po punojnë shuarjen e flakëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.