Shkodër, kapet në flagrancë 34-vjeçari për vjedhje, sekuestrohen sende me vlerë

Aktualitet | 2 vite më parë

Policia e Shkodrës ka arrestuar në flagrancë një 34-vjeçar të dyshuar për vjedhje me thyerje në një banesë. Operacioni policor i koduar “Gjurmimi” çoi në identifikimin dhe ndalimin e shtetasit B. H., banues në Shkodër, pas kallëzimit nga shtetasi E. N., 25 vjeç, se i ishin vjedhur para, bizhuteri dhe sende të tjera me vlerë.

Gjatë kontrollit në banesën e të dyshuarit, policia gjeti dhe sekuestroi një sasi eurosh, disa bizhuteri, një televizor, sende të tjera me vlerë, dy celularë dhe një automjet.

Sipas hetimeve paraprake, dyshohet se 34-vjeçari ka kryer vjedhjen gjatë kohës kur banesa ishte e boshatisur. Aktualisht, vijojnë hetimet për të zbardhur përfshirjen e tij në vjedhje të tjera të ngjashme.

Materialet i janë referuar Prokurorisë pranë Gjykatës së Shkallës së Parë Shkodër për veprime të mëtejshme ligjore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.