Aksident në rrugën Lushnjë-Berat, 23-vjeçari dërgohet në spital

Aktualitet | 2 vite më parë

Një aksident i rëndë ka ndodhur në orët e para të mëngjesit të sotëm në aksin rrugor Lushnje-Berat, pranë fshatit Çiflig. Drejtuesi i mjetit, një djalë rreth 23 vjeç, ka dalë nga rruga dhe ka përfunduar në tokat bujqësore.

Ai ka marrë ndihmën e parë mjekësore në spitalin e Lushnjës dhe më pas është nisur për mjekim të specializuar në Tiranë. Sipas informacioneve, mjeti që ai drejtonte ishte marrë me qira.

Aksidenti ka ndodhur në një rreth-rrotullim dhe ka shkatërruar mbrojtësen anësore prej metali të rrugës. Policia është angazhuar për të zbardhur shkaqet e vërteta të aksidentit, të cilat ende nuk janë bërë të njohura.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.