Presidenti rus Vladimir Putin ka ftuar presidentin serb Aleksandar Vuçiq në Moskë më 9 maj 2025, me rastin e 80-vjetorit të fitores në Luftën e Madhe Patriotike.

“Ju ftoj të merrni pjesë në festimet e 80-vjetorit të fitores në Luftën e Madhe Patriotike, që do të mbahet në Moskë më 9 maj 2025. Kjo datë më e rëndësishme simbolizon fundin e luftës më të tmerrshme në histori. Ne i kushtojmë respekt të thellë heroizmit të baballarëve dhe gjyshërve tanë dhe përkulemi para viktimave të shumta të nazizmit, jam i bindur se ruajtja e kujtimit të fitores së madhe do të forcojë vendosmërinë e përbashkët për të kundërshtuar çdo shfaqje të neonazizmit. dhe të rrisë bashkëpunimin konstruktiv për të garantuar paqen dhe sigurinë në planet”, shkroi Putin.

Vuçiq dhe Putin zhvilluan më 20 tetor një bisedë telefonike, pas së cilës presidenti serb u tha gazetarëve se Putin e kishte ftuar të merrte pjesë në 80 vjetorin e fitores ndaj nazizmit si president më 9 maj të vitit të ardhshëm.

/rtsh.al/