Një aksident rrugor është regjistruar pasditen e së mërkurës në aksin Lezhë–Milot, pranë kryqëzimit të Rrilës, duke shkaktuar plagosjen e një gruaje të moshuar.

Sipas informacionit paraprak, rreth orës 17:40, një automjet me drejtues shtetasin V. B., 51 vjeç, ka përplasur këmbësoren D. P., 74 vjeçe, e cila po tentonte të kalonte rrugën. Si pasojë e përplasjes, e moshuara ka mbetur e plagosur dhe është transportuar menjëherë në Spitalin Rajonal të Lezhës për ndihmë mjekësore.

74-vjeçarja ndodhet jashtë rrezikut për jetën dhe po merr trajtimin e nevojshëm nga mjekët.

Drejtuesi i mjetit është shoqëruar në komisariat për sqarimin e rrethanave të aksidentit, ndërsa grupi hetimor po vijon veprimet për zbardhjen e plotë të shkaqeve të ngjarjes.

Aksidenti ka shkaktuar gjithashtu trafik të rënduar në të dyja anët e aksit Lezhë–Milot, duke krijuar radhë të gjata automjetesh për disa minuta.

/rtsh.al/