Aksident në Lushnje/ Humbi kontrollin e biçikletës dhe doli në rrugë, përplaset nga automjeti 43-vjeçari

Aktualitet | 8 muaj më parë

Një aksident rrugor është regjistruar mëngjesin e sotëm (18 mars) në Lushnjë, në zonën e bypass-it të qytetit. Sipas informacioneve paraprake, mësohet se një automjet tip “Benz” ka përplasur një 43-vjeçar O.P., i cili po lëvizte me biçikletë.

Si pasojë e përplasjes, drejtuesi i biçikletës ka pësuar dëmtime në këmbë dhe është transportuar menjëherë në spitalin e Lushnjës për të marrë ndihmën e nevojshme mjekësore, ndërsa bëhet me dije se ndodhet jashtë rrezikut për jetën.

Nga hetimet paraprake dyshohet se aksidenti ka ndodhur pasi drejtuesi i biçikletës ka humbur kontrollin dhe ka dalë në karrexhatë, në momentin kur po kalonte automjeti. Edhe pse drejtuesi i mjetit ka tentuar të frenojë, përplasja nuk është shmangur dot.

/rtsh.al/

aksident

lushnje

plagoset

policia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.