Aksidenti tragjik në Korenë e Jugut, avioni me 181 pasagjerë përplaset me barrierën në pistë

Botë | 2 vite më parë

Një aeroplan me 181 pasagjerë ka pësuar një aksident tragjik në Aeroportin Ndërkombëtar Muan në Korenë e Jugut. Avioni, i kompanisë Jeju Air, i cili ishte në rrugë kthimi nga Bangkok, Tajlandë, ka dalë nga pista dhe u përplas me një mur gjatë një tentative për ulje, pak pas orës 09:00 me kohën lokale.

Nga ky aksident, të paktën 179 persona kanë humbur jetën. Deri tani, dy persona të ekuipazhit janë gjetur të gjallë dhe operacionet e shpëtimit po vazhdojnë.

Aeroplani i linjës ajrore Jeju Air, doli nga pista dhe u përplas me një mur, gjatë uljes emergjente duke shkaktuar humbjen e kontrollit të avionit.

Shefi ekzekutiv i Jeju Air, kompania më e madhe me kosto të ulët në Korenë e Jugut, tha se avioni nuk kishte shfaqur “asnjë shenjë problemi” përpara aksidentit të së dielës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.