Lamine Yamal nuk do të luajë të shtunën kundër Celta Vigos në kampionat. Sulmuesi i Barcelonës ende nuk është rikuperuar plotësisht nga dëmtimi që e pengoi atë të luajë ndeshjen kundër Real Sociedad dhe të mos jetë i pranishëm në dy ndeshjet e fundit të fazës së grupeve të Ligës së Kombeve të Spanjës.

Hansi Flick nuk dëshiron të rrezikojë me të dhe ka vendosur të presë edhe disa ditë, ndonëse 17-vjeçari mund të kursehet edhe në ndeshjen e Champions League kundër Brestit.

Katalanasit mund të kenë në dispozicion Robert Lewandowski, që është duke u rikuperuar nga problemet e mesit që e penguan atë të marrë pjesë në ndeshjet e fundit të kombëtares polake. Ditët e fundit gjendja e tij është përmirësuar ndjeshëm dhe gjithçka sugjeron se ai do të jetë, edhe nëse duhet të presim deri në stërvitjen e fundit.

Hansi Flick do të ketë vetëm tre sulmues për ndeshjen e kampionatit kundër Celtas, pas mungesave të Ferran Torres dhe Ansu Fatit: Lewandowski, Raphinha dhe Pau Víctor.