Dy miqësoret kundër Turqisë, Kombëtarja e femrave udhëton drejt Stambollit

Kombëtarja | 11 muaj më parë

Kombëtarja shqiptare e futbollit të femrave udhëton sot drejt Stambollit, ku do të zhvillojë dy ndeshje miqësore ndaj Turqisë. Vajzat kuqezi në fakt duhej të udhëtonin që dje për në Turqi, por fluturimi u anulua dhe u shty për një ditë.

Në këtë mënyrë, skuadra shqiptare nuk do të ketë mundësinë të zhvillojë një seancë stërvitore në Turqi para ndeshjes së parë, që luhet të premten, në orën 13:00.

Trajneri Armir Grima ka thënë pak ditë më parë se dy miqësoret me Turqinë do ta ndihmojnë Kombëtaren për të forcuar grupin para kualifikueseve të Botërorit “Brazil 2027”.

Këtë herë skuadrës i janë bashkuar 6 vajza të reja, të cilat do të kenë mundësinë të tregojnë nivelin e tyre në testet me Turqinë, duke synuar të bindin trajnerin Grima.

kombetarja

turqia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.