E ardhmja e Fisnik Asllani larg Gjermanisë, përveç Barçës e ndjekin edhe skuadra të Premier League

Gjermani | 1 vit më parë

E ardhmja e Fisnik Asllanit nuk do të jetë më në Bundesligë. Redaksia e “Sky Sport Deutschland” ka zbuluar mëngjesin e sotëm se përveç Barcelonës, e cila prej kohësh po ndjek nga afër performancën e sulmuesit dardan të Hoffenheim, interes kanë shfaqur edhe disa skuadra të Premier League.

23-vjeçari ka nisur mjaft mirë sezonin në Bundesliga me pesë gola të shënuar. Më i fundit ishte ai i rrealizuar ditën e djeshme përballë Heidenheim.

Në akordin mes Asllanit dhe klubit të tij aktual ka një klauzolë, e cila i lejon lojtarit që të largohet këtë verë nëse një klub do të jetë i gatshëm që të paguajë një shifër që varion prej 27-30 milionë euro. Performanca e sulmuesit dhe shifra e arsyeshme e akorduar me klubin për kartonin e tij e kanë kthyer Asllanin në njërin prej lojtarëve më të lakmuar të momentit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.