Ebola rrezikon pjesëmarrjen e Republikës Demokratike të Kongos në Botëror, delegacioni afrikan do të izolohet për 21 ditë në Belgjikë

Futboll Bota | 5 muaj më parë

Pjesëmarrja e Republikës Demokratike të Kongos në Botërorin 2026 është në rrezik për shkak të një degëzimi të ri të virusit të Ebolës që ka ndezur disa vatra në vendin afrikan.

Shefi i Task Force-s të ngritur nga Shtëpia e Bardhë për Botërorin 2026, Andrew Giuliani, ka thënë mbrëmjen e kaluar se ka informuar FIFA-n se delegacioni i Republikës Demokratike të Kongos duhet që të qëndrojë i izoluar për 21 ditë në Belgjikë përpara se të udhëtojë drejt kontinetit tjetër.

“Kemi qenë të qartë me Kongon se duhet që të izolojnë delegacionin e tyre për 21 ditë përpara se të udhëtojnë drejt Houston më 11 qershor”, tha Giuliani.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.