Flamurtari në basketboll për femra bën histori, ndërsa fiton për herë të parë Ligën Unike “Shqipëri-Kosovë”. Pas dy vitesh, trofeu i Ligës Unike “Shqipëri-Kosovë” kthehet në vendin e shqiponjave, ndërsa vlonjatet kanë mundur në finale Peja 03, 72-62. 20-13 perioda e parë për Flamurtarin.

Mundohet të reagojë Peja 03, e cila ka fituar periodën e dytë 20-21 dhe në pushim, 40-34 për vlonjatet. Madje dhe perioda e tretë është për Peja 03, 16-21 dhe në total, 56-55.

E fundit është për Flamurtarin, 16-7 dhe në total 72-62. Ramos ishte lojtarja më e mirë e Ligës Unike “Shqipëri-Kosovë” në basketbol për femra, kurse kupën kapitenes vlonjate, Tea Memushi, ia ka dorëzuar presidenti i Federatës Shqiptare të Basketbollit, Avni Ponari, dhe ai i Federatës së Kosovës, Arben Fetahu.

Javën e ardhshme gjithçka është për fazën finale të Ligës Unike “Shqipëri-Kosovë” në basketboll për meshkuj, më 26-27 mars në Kosovë.