Foda debuton me fitore te Kosova, Rashica vulos miqësoren ndaj

Kosova | 3 vite më parë

Kombëtarja e Kosovës e ka nisur mbarë vitin 2024 dhe epokën e re nën drejtimin e përzgjedhësit të ri, Franco Foda. Në miqësoren e zhvilluar në Yerevan, Dardanët kanë shënuar fitore, me rezultat 1:0.

Kosova e dominoi pjesën e parë dhe arriti që të kalojë në epërsi në minutën e 25-të, kur Milot Rashica e dërgoi topin në rrjetë nga afërsia. Paraprakisht Edon Zhegrova depërtoi nga krahu i djathtë, teksa goditja e tij qëlloi traversën dhe përfundoi te Rashica, i cili me qetësinë e duhur shënoi gol, që në fund doli të ishte i vetmi i kësaj ndeshjeje.

Pjesa e dytë kaloi në shenjë të presionit të vendasve, të cilët synoin golin e barazimit. Megjithatë, futbollistët dardanë nuk lejuan shumë hapësira dhe arritën ta menaxhojnë epërsinë e krijuar.

Miqësoren e dytë Kosova e zhvillon më 26 mars, në Budapest kundër Hungarisë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.