Autoritetet franceze kanë hapur një hetim ndaj ish-ministrit të Kulturës, Jack Lang, për lidhjet e mundshme me Jeffrey Epstein. Lang, i cili ka mbajtur poste të larta politike dhe ka qenë president i Institutit të Botës Arabe në Paris, është përfshirë në hetimet e gjera që po zhvillohen mbi rrjetin e Epstein dhe kontaktet e tij në Francë.

Sipas raportimeve, prokurorët francezë po shqyrtojnë nëse Lang ka pasur ndonjë dijeni apo përfshirje në aktivitetet e Epstein, i cili u arrestua në SHBA për trafik seksual të të miturve dhe vdiq në burg në vitin 2019. Hetimi është pjesë e përpjekjeve për të zbuluar nëse krime të ngjashme janë kryer edhe në territorin francez.

Ky zhvillim vjen pas presionit të shtuar publik dhe politik për të hetuar lidhjet e Epstein me figura të njohura ndërkombëtare. Lang ka mohuar çdo përfshirje, ndërsa autoritetet franceze kanë theksuar se procesi është ende në fazë hetimore dhe nuk ka akuza të ngritura.

/rtsh.al/