Dita e fundit e vitit është një ditë pune dhe angazhimi për punonjësit e OSSH dhe OSHEE.

Me qëllim garantimin e furnizimit me energji për të gjithë konsumatorët në territorin shqiptar, kompanitë kanë përgatitur një plan masash për çdo të papritur.

“Plani ynë i masave qëndron në dy kolona: kolona e parë është në lidhje me gjendjen teknike të rrjetit, ndërsa nga ana organizative kemi 1.500 punonjës të ndarë në 219 grupe. Skema është e tillë që të minimizojmë kohën e riparimit të defekteve,” deklaroi Llambi Miti, koordinatori i OSSH-së.

Z. Miti kishte edhe një thirrje për të gjithë amvisat.

“Ju lutem filloni që tani të piqni dhe të bëni gjithë aktivitetin e kuzhinës. Mos e lini për në darkë, për shkak të rritjes së ngarkesës, e cila bëhet burim i defekteve të ndryshme, që nuk parashikohen,” tha z. Miti.

Gjithashtu përfaqësuesi i OSSH-së bëri të ditur se për çdo të papritur konsumatorët do të mund të telefonojnë në numrat e shërbimit të klientit të publikuara në faqen e internetit të OSHEE.

Gazetar: Omer Saraçi

/rtsh.al/