Gjenden eshtra në Rahovec, dyshohet se lidhen me luftën në Kosovë

Kosovë | 8 muaj më parë

Gjatë punimeve në një zonë të komunës së Rahovecit janë gjetur eshtra, të cilat dyshohet se mund t’i përkasin personave të zhdukur gjatë luftës në Kosovë.

Sipas raportimeve zyrtare, njësia policore në koordinim me Institutin e Mjekësisë Ligjore, dhe bazuar në urdhëresën e gjykatës, gjatë gërmimeve ka hasur në eshtra me prejardhje njerëzore, që dyshohet se i përkasin së paku një individi të zhdukur gjatë luftës së vitit 1998-1999.

Autoritetet kanë bërë të ditur se eshtrat janë dërguar në Institutin e Mjekësisë Ligjore për ekzaminim të mëtejshëm, përfshirë autopsinë dhe analizën e ADN-së, me qëllim identifikimin e personit ose personave të mundshëm.

Hetimet për rrethanat e gjetjes së mbetjeve vazhdojnë, ndërsa autoritetet po punojnë për të sqaruar nëse ato lidhen me raste të personave të zhdukur gjatë luftës në Kosovë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.