Të paktën 70 palestinezë janë vrarë dhe dhjetëra të tjerë kanë mbetur të plagosur në sulmet ajrore izraelite në të gjithë Gazën pasi Izraeli rifilloi fushatën e bombardimeve dhe operacionet tokësore në enklavë.

Izraeli rifilloi sulmet e rënda në të gjithë Gazën të martën, duke bërë që të dështojë armëpushimi që kishte ndalur luftën dhe lehtësuar lirimin e më shumë e një numri të madh pengjesh.

Nga ana tjetër, Izraeli ka fajësuar Hamasin për rikthimin e luftimeve sepse grupi i Hamasit refuzoi propozimin e ri që dilte nga marrëveshja e tyre.

Sipas Ministrisë së Shëndetësisë të Gazës, më shumë se 400 palestinezë u vranë vetëm të martën, kryesisht gra dhe fëmijë.

Nga sulmet në Gazë, të enjten herët goditi shtëpinë e familjes Abu Daqa në Abasan al-Kabira, një fshat jashtë Khan Younis pranë kufirit me Izraelin. Sulmi la të vrarë të paktën 16 njerëz, kryesisht gra dhe fëmijë.

Gjithashtu, Izraeli ka ndërprerë furnizimin me ushqim, karburant dhe ndihma humanitare për rreth 2 milionë palestinezë të Gazës, ndërsa është zotuar të intensifikojë operacionet e tij derisa Hamasi të lirojë 59 pengjet që mban – 35 prej të cilëve besohet të jenë të vdekur – dhe të heqë dorë nga kontrolli i territorit.

/rtsh.al/