Ministri i Mbrojtjes së Izraelit Israel Katz ka deklaruar se buxheti i mbrojtjes duhet të rritet “përballë kërcënimeve”, duke përmendur zhvillimet e fundit në Siri me rrëzimin e presidentit Bashar al-Assad nga forcat islamike.

“Izraeli duhet të jetë në gjendje të mbrohet vetë, kundër çdo kërcënimi”, i tha Katz Komitetit Nagel, i cili shqyrton shpenzimet e mbrojtjes dhe hartimin e forcave ushtarake për të ardhmen, sipas një deklarate të ministrisë.

“Rreziqet e menjëhershme për vendin nuk janë zhdukur dhe zhvillimet e fundit në Siri po rrisin intensitetin e kërcënimit, pavarësisht se liderët rebelë kërkojnë të paraqesin një pamje të moderuar,” thotë Katz.

Komiteti Nagel ka për detyrë të përcaktojë drejtimet e forcës ushtarake së Izraelit për dekadën e ardhshme, implikimet buxhetore dhe ndikimin ekonomik.

Katz tha të premten se ai kishte urdhëruar ushtrinë të përgatitej për të ruajtur praninë e saj në anën siriane të malit Hermon gjatë muajve të ardhshëm të dimrit, pasi Izraeli synon të parandalojë që rajoni kufitar të bjerë në duart e gabuara.

Ndërkaq, diplomatët më të lartë të Turqisë dhe Shteteve të Bashkuara janë takuar për të diskutuar përpjekjet e tyre të përbashkëta për të parandaluar ringritjen e Shtetit Islamik pas rënies së Asadit, në mes të përpjekjeve ndërkombëtare për të vlerësuar udhëheqjen e re të Sirisë nga islamisti Hayat Tahrir a-Sham, i cili e kishte origjinën në Al-Kaeda, por që prej atëherë me sa duket i ndarë me grupin terrorist xhihadist.

/rtsh.al/