Kryeministri Edi Rama ka inspektuar punimet në kantierin e “Kengo Art Park” një projekt që po ndërtohet në mes të natyrës së Petrelës në 32 mijë metra katrorë sipërfaqe.

Sipas kryeministrit Edi Rama, ky projekt do të shërbejë si një qendër e re për artin dhe kulturën, ku do të gjejnë hapësirën e tyre të gjitha moshat.

“Petrelë, në kantierin e “Kengo Art Park”, një projekt që po ndërtohet në mes të natyrës së Petrelës në 32 mijë metra katrorë sipërfaqe, e që do të shërbejë si një qendër e re për artin dhe kulturën, ku do të gjejnë hapësirën e tyre të gjitha moshat”, shkruan Edi Rama në rrjetin social në Facebook.

Parku është i projektuar nga mjeshtri i arkitekturës, japonezi Kengo Kuma. Sipas kreut të qeverisë ky park vjen në vazhdën e investimeve për transformimin e aseteve publike duke i kthyer godinat e amortizuara, në qendra arti e kulture.

“I projektuar nga mjeshtri i arkitekturës, japonezi Kengo Kuma, ky park vjen në vazhdën e investimeve të qeverisë për transformimin e aseteve publike duke i kthyer godinat e amortizuara, në qendra arti, kulture, ekspozimi, inovacioni, e hapësira socializimi për të rinjtë, duke ruajtur nga pikëpamja arkitekturore edhe memorien historike të vetë godinave”, shkruan më tej kryeministri Edi Rama.

/rtsh.al/