Vizita e udhëheqësit të Koresë së Veriut Kim Jong Un në Rusi është duke u strukturuar, ka konfirmuar sot zëvendësministri i Jashtëm rus Andrey Rudenko.

Udhëheqësi i Koresë së Veriut Kim Jong Un do të vizitojë Rusinë sërish këtë vit, ku në të njëjtën kohë po përgatitet një vizitë e ministrit të Jashtëm rus Sergei Lavrov në Phenian.

Njoftimi vjen disa ditë pasi Kim Jong Un u takua me Këshilltarin rus të Sigurisë Kombëtare Sergei Shoigu në kryeqytetin e Koresë së Veriut, në të cilin ai deklaroi se vendi i tij do të vazhdojë të mbështesë Moskën në përpjekjet e saj për të mbrojtur sovranitetin e saj kombëtar.

Udhëheqësit e Rusisë dhe Koresë së Veriut janë takuar shpesh kohët e fundit, pjesërisht për shkak të bashkëpunimit të tyre në luftën në Ukrainë.

Në shtator 2023, udhëheqësi i Koresë së Veriut bëri një udhëtim historik me tren në Rusi, ndërsa në qershor 2024, presidenti rus ishte në Phenian.

/rtsh.al/