Noka takon aleatët e koalicionit ‘Aleanca për Shqipërinë Madhështore’: Të masivizojmë votën e shqiptarëve jashtë atdheut

Zgjedhje 2025 | 2 vite më parë

Sekretari i përgjithshëm i Partisë Demokratike, Flamur Noka zhvilloi të premten një takim pune me aleatët, në lidhje me ecurinë e fushatës dhe bashkërendimin e punës për të maksimalizuar fitoren.

Noka, në këtë takim, nënvizoi frymën fituese që, sipas tij, është krijuar nga zbritja në terren dhe parashtrimi i programit të Aleancës për Shqipërinë Madhështore nga kreu i PD, Sali Berisha.

“Qëllim i takimit ishte koordinimi i punës në terren dhe përcjellja e koordinuar e mesazhit politik dhe përqendrimi në përdorimin e rrjeteve sociale me degët e partive aleate në diasporë, me qëllim masivizimin e votës nga shqiptarët jashtë atdheut, e së dyti, në bashkërendimin e aktivitetit në median sociale, si domosdoshmëri e kohës në komunikimin me publikun.”, thuhet në njoftimin për shtyp të PD-së.

/rtsh.al/

Aleanca për Shqipërinë Madhështore

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.