Opozita protestë tek Bashkia e Tiranës: Veliaj të vendoset para drejtësisë

Aktualitet | 2 vite më parë

Opozita zhvilloi sot (4 dhjetor) protestën e 36-të para Bashkisë së Tiranës. Përfaqësues të Partisë Demokratike, të Partisë së Lirisë, si edhe të Aleancës në Mbrojtje të Teatrit, kërkuan dorëheqjen e Kryetarit të Bashkisë, Erion Veliaj.

Ata thanë se Veliaj duhet të vendoset para drejtësisë, si pjesë e aferës korruptive të inceneratorit të Tiranës, sikundër të dosjes “5D”.

Edhe në këtë protestë, përfaqësuesit e opozitës thanë se SPAK po amniston Kryebashkiakun Erion Veliaj, duke e shmangur nga dosjet hetimore.

Pjesëmarrësit thanë se do të vijojnë protestat, të cilat i kanë nisur që në muajin mars.

Gazetare: Anisa Kadesha

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.