Polici i Kosovës përlotet pas vendimit të Hagës, protestuesit i japin flamurin e UÇK-së
Vendimi i Gjykatës Speciale në Hagë ka prekur edhe ata që sot janë në krye të detyrës për të ruajtur rendin në Prishtinë.
Gjatë protestës para zyrave të EULEX-it, një pjesëtar i Policisë së Kosovës është parë me lot në sy, teksa vazhdonte detyrën e tij për të siguruar rendin dhe qetësinë.
Protestuesit i vendosën atij një flamur kombëtar dhe një flamur të Ushtrisë Çlirimtare të Kosovës. Gjesti e emocionoi policin, i cili u pa duke fshirë lotët, ndërsa qëndronte në rresht përballë protestuesve.
Në Prishtinë, protestuesit kanë shprehur pakënaqësinë ndaj vendimit të Gjykatës Speciale, ndërsa tensionet janë rritur gjatë protestës para zyrave të EULEX-it dhe më pas para ndërtesës së Qeverisë.
Protestuesit janë shprehur se vendimi i Hagës ndaj ish-krerëve të UÇK-së është i padrejtë dhe lidhet drejtpërdrejt me historinë e luftës për çlirimin e Kosovës.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
