Në Ditën Ndërkombëtare të Muzeve, interesi i turistëve që vizitojnë Gjirokastrën eshte edhe më i lartë. Mes kalldrëmeve karakteristike dhe muzeve që ruajnë shekuj histori, vizitorët ndalen për të njohur më nga afër traditën, kulturën dhe trashëgiminë që mbart qyteti i gurtë.

“Përmes shpjegimeve të ciceronëve mësuam më shumë për kulturën shqiptare, historinë dhe mënyrën e jetesës ndër vite’, u shpreh një turiste.

“Na bëri shumë përshtypje si janë ruajtur objektet historike dhe atmosfera autentike që ndjen sapo hyn në muze”, tha një tjetër turist.

Ciceronët shprehen se vitet e fundit është rritur interesi i turistëve për muzetë e Gjirokastrës, ndërsa theksojnë se mirëmbajtja e objekteve historike mbetet thelbësore për ruajtjen e trashëgimisë kulturore dhe për tërheqjen e vizitorëve.

“Për muajin maj kryesisht kemi pasur turistë nga Franca, por dhe nga vende të tjera si janë Gjermania, Spanja, Italia por ka pasur shumë interes dhe nga shqiptarët”, u shpreh cicëroni Olsi Sinani.

Në  Ditën Ndërkombëtare të Muzeve, vizitorët kanë mundësinë ti vizitojnë  falas të katër  muzetë e Gjirokastrës

Gazetare: Enkeleda Domeri

/rtsh.al/