Kampionati që sapo u mbyll ka shënuar edhe një rekord të trishtë për futbollin italian. Kurrë më parë në histori, shënuesi më i mirë italian i Serisë A nuk ka shënuar kaq pak gola. Orsolini dhe Scamacca ndajnë rekordin mizerabël me 10 gola secili.

Kjo është shifra më e ulët që kur ekziston Seria A, më e ulët edhe kur kampionatet ishin me 18 apo 16 skuadra. Një trishtim i jashtëzakonshëm. Rreth 20 vjet më parë, sezonin 2006-07, në 6 vendet e para të klasifikimit të golashëneusve më të mirë ishin të gjithë italianë: Totti me 26 gola, pas tij Lucarelli (20), Riganò (19), Rolando Bianchi (18), Spinesi dhe Amoruso (17). I huaji me më shumë gola, në kuotën 16, ishte Mutu. Pastaj vinin të tjerë kalibri, si Ibrahimovic, Crespo, Kakà dhe Cruz.

Për t’u theksuar është fakti se 5 nga 6 shënuesit më të mirë italianë u përkisnin skuadrave jo të dorës së parë: (Lucarelli-Livorno, Riganò-Messina, Bianchi dhe Amoruso Reggina, Spinesi-Catania).

Rolin e kanë sulmues dhe dikush i ka quajtur madje bombera. Por Alvaro Morata dhe Santiago Gimenez kanë mbyllur sezonin e tyre horribilis, me 0 gola respektivisht në 924 dhe 896 minuta të luajtura.