Ronaldo Nazário: Në 2006-ën i kërkova Zidane që të largohej nga dhomat e zhveshjes së Brazilit

Futboll Bota | 4 muaj më parë

Ronaldo Nazário zbuloi se, pas humbjes së Brazilit kundër Francës në çerekfinalet e Kupës së Botës 2006, i kërkoi Zinedine Zidane që të largohej nga dhoma e zhveshjes së Brazilit sepse “atmosfera ishte e tmerrshme”.

Ish-lojtari i kombëtares franceze, i cili ishte edhe lojtari i ndeshjes në atë takim, kishte shkuar për të shkëmbyer fanellat me lojtarët brazilianë.

“Folëm më pas. Ai erdhi në dhomën tonë të zhveshjes, por atmosfera ishte e tmerrshme, shumë lojtarë po qanin. Ishim miq dhe ende jemi, por nuk ishte koha e duhur për të shkëmbyer fanella. E përgëzova, por i kërkova të largohej”, tha “Fenomeni” në një intervistë për “L’Équipe”. A.V.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.