Tregu i pensioneve vullnetare private në Shqipëri po përjeton një zgjerim të qëndrueshëm. Sipas raportit 9-mujor të Autoritetit të Mbikëqyrjes Financiare (AMF), në 30 shtator 2025, asetet neto të këtyre fondeve ishin rreth 148 milionë euro, një rritje prej 11.55% krahasuar me fundin e vitit 2024.

Gjatë kësaj periudhe, numri i kontribuuesve në skemën private arriti 48,864, që përfaqëson një rritje prej 8.77% nga fundi i vitit të kaluar. Në gjysmën e parë të vitit, sipas AMF, tregut iu shtuan 3,315 kontribuues të rinj.

Nga raportimi i AMF rezulton gjithashtu se shtatë fonde private ishin aktive në këtë treg.

Pjesa dërrmuese e kapitalit investohet në obligacione qeveritare shqiptare – një qasje relativisht konservative, por që siguron likuiditet dhe rreziqe më të ulëta.

Megjithë rritjen, depërtimi i pensioneve private në nivel kombëtar mbetet modest: vetëm 6.5% e kontribuuesve në sigurimet shoqërore, kontribuojnë edhe ne fondet private te pensioneve.

Rritja vjen ndërkohë që ligji i ri “Për fondet e pensionit privat” ka sjellë incentiva fiskale të zgjeruara, duke i bërë më tërheqëse kursimet afatgjata në pensionin privat.

Gazetar: Omer Saraçi

/rtsh.al/