Rusia dhe Ukraina kanë shkëmbyer akuza të ndërsjella për shkelje të armëpushimit tre javor të ndërmjetësuar nga Shtetet e Bashkuara, të shpallur nga presidenti Donald Trump.

Sipas Shtabit të Përgjithshëm të ushtrisë ukrainase, që nga fillimi i ditës, forcat ruse kanë kryer 51 sulme.

“Nga ana tjetër, Ministria ruse e Mbrojtjes tha se, pavarësisht deklarimit të armëpushimit, grupet e armatosura ukrainase kanë nisur sulme me dronë dhe artileri ndaj pozicioneve të trupave ruse”, thuhet në deklaratën e publikuar nga Moska.

Armëpushimi  tre javor hyri në fuqi pas njoftimit të presidentit Trump, por që në orët e para të zbatimit të tij palët po akuzojnë njëra-tjetrën për vazhdim të veprimeve armiqësore.

Deri më tani nuk ka konfirmime të pavarura për shkallën e shkeljeve, por tensionet në terren duket se mbeten të larta pavarësisht marrëveshjes së shpallur.

/rtsh.al/