Teuta largon edhe sulmuesin Sebastian Zela, nuk la asnjë shenjë në dy fazat e para

Abissnet Superiore | 10 muaj më parë

Klubi i Teutës vazhdon të lirojë vendet në skuadër në kohë merkatoje. Një ditë më parë u largua Arbër Çyrbja, ndërsa sot ishte radha e sulmuesit nga Peruja, Sebastian Gonzales Zela për t’u dhënë lamtumirën durrsakëve.

“KF Teuta njofton përfundimin e bashkëpunimit me lojtarin Sebastián Gonzales Zela. Klubi e falënderon lojtarin për kontributin e dhënë dhe i uron shumë suksese në vazhdim të karrierës”, – shkruhet në njoftimin zyrtar të Teutës për këtë lëvizje të fundit.

Zela në fakt ishte një zhgënjim total në gjysmën e parë të sezonit. Sulmuesi 26-vjeçar nuk arriti të shënonte asnjë gol me fanellën e Teutës. Në total luajti 628 minuta dhe javët e fundit të kampionatit kishte përfunduar në stol, çka tregon qartë faktin se ai nuk ishte më në planet e “Djemve të Detit”.

teuta

Zela

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.