“Tour de France 2025”, Thymen Arensman dominon Pirenejtë, Pogaçar gjithmonë e më afër triumfit të madh

Çiklizëm | 1 vit më parë

Etapa e 14-të e “Tour de France 2025” ishte njëra prej më emocionueseve në program pasi u zhvillua në Malet Pireneje dhe çiklistëve u desh që të ngjiteshin në plot tre maja me pendenca të forta.

Fituesi i etapës së sotme ishte Thymen Arensman. Holandezi i “Ineos Grenadiers” mori pjesë në grupin që sulmoi në Tourmalet, më tej në Col de Peyresourde arriti të shkëputej duke kapur edhe fanellën “pois”, Lenny Martinez, dhe më pas nuk u ndal më duke kaluar i pari finishin në Superbagneres.

Pas shpatullave të tij ishte dyshja Vingegaard-Pogacar. Çiklisti slloven nuk sulmoi sot për të fituar etapën, por u mjaftua me administrimin e forcave madje kontrolloi mjaft lehtë Vingegaard. Etapa e 14-të kishte mjaft rëndësi pasi pendencat e Tourmalet detyruan Remco Evenepoel që të tërhiqej nga “Grande Boucle 2025”.

Tre të parët e etapës së 14-të

01ARENSMAN Thymen INEOS Grenadiers 04:53:35

02POGACAR Tadej UAE Team Emirates-XRG + 01:08

03VINGEGAARD Jonas Team Visma | Lease a Bike + 01:12

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.