Trafiku i mbetjeve drejt Shqipërisë, sekuestrohen 16 tonë nga kamioni në Ankonë

Europë | 2 vite më parë

Një kompani italiane dyshohet se tentoi të transportojë në mënyrë të paligjshme drejt Portit të Durrësit 16 tonë mbetje urbane.

Kamioni u bllokua nga autoritetet e Portit të Ankonës, ndërkohë që nga kontrollet e ushtruara kishte mangësi në dokumentacion.

Mediet italiane raportojnë se inspektorët konstatuan mospërputhje të dokumentacionit dhe në kryerjen e kontrollit më të thelluar, verifikuan të kundërtën që ishte raportuar në deklaratën doganore.

Ngarkesës prej 16 tonë i janë kryer analizat që më pas u klasifikuan si të rrezikshme, ndërkohë që dërgesa duhej të ishte shoqëruar edhe me autorizimin paraprak të shprehur nga vendi pritës, pra Shqipëria.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.