Edhe pse na ndajnë ende dy muaj nga takimet e para të Kombëtareve, Tomas Tuhel, i cili mori detyrën si komisar teknik i Anglisë më 1 janar, ka nisur që tani të familjarizohet me lojtarët.

Trajneri gjerman përveç Herri Kejnit, të cilin e njihte që në kohën kur punaun bashkë në Mynih, ka kontaktuar edhe me sulmuesin e krahut të Çelsit, Noni Madueke.

Në ndeshjen me Shqipërinë, “Tre Luanët” do të jenë në emergjencë në mbrojtje. Konkretisht krahu i majtë është i “zbuluar”.

Ljuk Shou është i dëmtuar ndërsa Kirën Tripier është tërhequr nga arena ndërkombëtare duke lënë vetëm Ben Çiluell si altërnativë për krahun e majtë. Por mëngjërashi i Çelsit për momentin nuk është titullar në ekipin e Mareskës, ç’ka e bën të vështirë grumbullimin në Kombëtare.

Talenti i Arsenal Majls Ljuis-Skelli është i vetmi kandidat për këtë pozicion, por Tuhel për ta grumbulluar si fillim duhet të bisedojë me Federatën e Futbollit, e cila mund të mos pranojë që ta dërgojë 18-vjeçarin nga ekipet e moshave në ekipin e parë pa kaluar një herë në Anglinë e moshave deri në 21 vjeç.