Turi i 83-të Çiklistik i Shqipërisë/Samuel Fedor, i pari në Elbasan

Sport | 6 muaj më parë

Turi i 83-të Çiklistik i Shqipërisë ka vijuar me etapën e dytë Lezhë – Elbasan në një gjatësi prej 149.9 kilometra. Çiklistët përshkuan një itinerar të gjatë dhe sfidues duke dhuruar rivalitet të fortë deri në metrat e fundit të garës.

Fitues i kësaj etape u shpall sllovaku Samuel Fedor, i cili tregoi formë të shkëlqyer dhe menaxhoi në mënyrën më të mirë sprintin final.

Në vendin e dytë u rendit zvicerani Zhylien Haldiman, ndërsa podiumi u plotësua nga belgu Lenz Dekabuter. Pas përfundimit të dy etapave të para, kryesimin e renditjes së përgjithshme e mban belgu Kjell Koman.

Etapa e tretë është ajo Elbasan – Vlorë, e gjatë 172.4 km, me nisjen që do të bëhet në orën 12:00.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.