Veliaj dhe avokati i tij mungojnë në seancë, GJKKO shtyn procesin për në 7 korrik

Aktualitet | 4 muaj më parë

Seanca në Gjykata e Posaçme kundër Korrupsionit dhe Krimit të Organizuar (GJKKO) ndaj kryebashkiakut të Tiranës, Erion Veliaj, është shtyrë për në datën 7 korrik. Gjykata vendosi gjithashtu pezullimin e afateve të paraburgimit për të pandehurin, pas zhvillimeve të seancës së kësaj të marte.

Shkak për shtyrjen u bë mungesa e avokatit mbrojtës, Plarent Ndreca, i cili nuk ishte i pranishëm për arsye shëndetësore, ndërsa edhe vetë kryebashkiaku Veliaj nuk mori pjesë në séance, pasi refuzon të qëndrojë në kafazin e qelqtë.

Prokurori i çështjes, Ols Dado, kërkoi shtyrjen e procesit, duke argumentuar se mungesa e mbrojtjes ligjore përbën pengesë për zhvillimin normal të gjykimit dhe se afatet e paraburgimit duhet të pezullohen deri në zhvillimin e seancës së radhës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.