Shqip
English
Français
Deutsch
Ελληνικά
Italiano
Srpski
TürkçeVora e Vllaznia, dy gola të anuluar dhe… barazim
Vora dhe Vllaznia e kanë mbyllur në barazim 0-0 përballjen mes tyre, e vlefshme për javën e 32-të të “Abissnet Superiore”, që erdhi për shikuesit në ekranin e RTSH1.
Në pjesën e parë skuadra vorake u shfaq më kërkuese, arriti të gjejë rrugën e rrjetës me anë të Luis Felipe, por dukshëm në pozicion jashtë loje, kështu që goli ishte i parregullt.
Në pjesën e dytë kuqeblutë u shfaqën ndryshe, më të gjallë në lojën e tyre dhe arritën të shënojnë me anë të Çelikoviç, por që u anulua pas evidentimit të një prekje me dorë të topit.
Në minutat në vazhdim të dyja skuadrat zhvilluan një lojë të kujdesshme dhe në fund u pajtuan me rezultatin 0-0.
Me këtë barazim Vllaznia ngjitet në kuotën e 60 pikëve, në vend të parë, ndërsa Vora momentalisht në vend të 7-të me 32 pikë.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
