Zëvendëskryeministrja e Shqipërisë, Albana Koçiu, ka reaguar me një postim në rrjetin social Facebook, duke shprehur mbështetje për ish-krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi, në ditën kur pritet shpallja e aktgjykimit ndaj tyre në Hagë.

“Liria nuk është krim dhe historia nuk mund të rishkruhet”- shkruan Zëvendëskryeministrja e Shqipërisë, Albana Koçiu, në video mesazhin e saj të bërë publik.

Në mesazhin e saj, Koçiu theksoi se askush nuk mund ta rishkruajë historinë e lirisë së popullit shqiptar dhe se procesi gjyqësor ndaj ish-udhëheqësve të UÇK-së është “beteja e fundit për të mbrojtur dinjitetin e kombit tonë, përballë absurdit të barazimit të agresorit me çlirimtarin”.

“Askush nuk do ta rishkruajë dot historinë e lirisë sonë. Hashim Thaçi, Kadri Veseli, Jakup Krasniqi dhe Rexhep Selimi sot kanë betejën e fundit për të mbrojtur dinjitetin e kombit tonë, përballë absurdit të barazimit të agresorit me çlirimtarin. Sado të përpiqen të baltosin luftën e një populli për liri, drita e atij agimi nuk mund të mbulohet kurrë.

Ajo shtoi se, pavarësisht përpjekjeve për të baltosur luftën e një populli për liri, “drita e atij agimi nuk mund të mbulohet kurrë”, duke e përmbyllur reagimin me fjalët: “Liria ka emër.”

/rtsh.al/