Zhvendosja e protestës në Tiranë, Sheshi Skënderbej kthehet në vatër përplasjeje mes protestuesve dhe policisë

Aktualitet | 18 minuta më parë

Ditën e gjashtë të protestës në Tiranë, boshti i tensioneve është zhvendosur nga Bulevardi “Dëshmorët e Kombit” drejt qendrës së kryeqytetit, ku Sheshi Skënderbej është kthyer në arenën kryesore të përplasjeve mes protestuesve dhe forcave të rendit.

Gjatë zhvillimeve të fundit, një pjesë e protestuesve kanë vijuar goditjet me gurë dhe sende të forta në drejtim të efektivëve të policisë. Nga ana e tyre, uniformat blu janë kundërpërgjigjur me ndërhyrje të vazhdueshme duke përdorur ujë me presion dhe gaz lotsjellës për të bërë të mundur shpërndarjen e turmës.

Për dallim nga ditët e mëparshme ku përballjet zhvilloheshin kryesisht përpara godinës së Kryeministrisë, zhvendosja e forcave të policisë më poshtë në bulevard dhe përdorimi i mjeteve me presion kanë penguar rigrupimin e protestuesve në vendqëndrimin e mëparshëm.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.