Një aksident tragjik ndodhi të shtunën në shtetin Minas Gerais të Brazilit, ku një autobus pasagjerësh u përplas me një kamion, duke shkaktuar vdekjen e 38 personave. Autobusi, që kishte 45 pasagjerë, po udhëtonte nga qyteti Sao Paulo. 13 pasagjerë të plagosur u dërguan në spitalin e qytetit Teofilo Otoni. Dëshmitarët thanë se shkaku i aksidentit mund të ketë qenë një gomë e shpërthyer që e bëri shoferin të humbiste kontrollin, ndërsa disa raportuan se u përplas me një bllok graniti.

Guvernatori i shtetit, Romeu Zema, ka urdhëruar mobilizimin e plotë të qeverisë për të ndihmuar viktimat dhe familjet e tyre, duke e konsideruar këtë një tragjedi të rëndë, sidomos përpara Krishtlindjeve. Ky aksident është një nga shumë të ngjashmit që kanë ndodhur gjatë vitit 2024, ku më shumë se 10,000 persona humbën jetën në aksidente rrugore në Brazil.

/rtsh.al/