Prodhimet shqiptare po zgjerohen gjithnjë e me shumë në tregjet e huaja, duke pasqyruar rritjen në cilësi dhe fuqizimin e fermerëve në vend.

Sipas ministres së Bujqësisë dhe Zhvillimit Rural, Anila Denaj, vazhdon trendi pozitiv i eksportit të frutave dhe perimeve “Made in Albania” në tregjet e huaja.

Me anë të një njoftimi në rrjete sociale Denaj, bënë të ditur se eksportet bujqësore shënuan rritje me 18% gjatë muajit shkurt, krahasuar me shkurtin e një viti më parë.

Me anë të një reagimi në rrjetet sociale , ministrja bëri të ditur se performanca pozitive e sektorit bujqësor tregon punën e palodhur të fermerëve për produkte cilësore “Made in Albania”, konkurruese në tregjet ndërkombëtare.

“Të dhënat tregojnë se gjatë muajit shkurt të këtij viti eksportet bujqësore u rritën me 18% në sasi dhe 15% në vlerë”, u shpreh Denaj.

Sipas saj, do vijohet me politikat mbështetëse për të gjithë njerëzit e punës, drejt objektivit të qeverisë 1 miliard dollarë eksporte deri në vitin 2030.

https://www.facebook.com/photo/?fbid=1185816233121514&set=a.392387295797749

/rtsh.al/