Merr fund makthi për Dani Alves, Apeli rrëzon dënimin për përdhunim

Futboll Bota | 2 vite më parë

Pasi kaloi mbi një vit në burg, Dani Alves u lirua nga akuza për sulm seksual ndaj një vajze në klubin e natës Sutton në Barcelonë.

Seksioni i Apelit i Gjykatës së Lartë të Katalonjës, i përbërë nga tre gra dhe një burrë, pranoi ankesën e ish-mbrojtësit të krahut në lidhje me atë që ndodhi më 31 dhjetor 2022 pasi vendimi i Gjykatës së Barcelonës përmban “një sërë boshllëqesh, pasaktësish, mospërputhjesh dhe kontradiktash mbi faktet, mbi vlerësimet e pasojave ligjore dhe mbi vlerësimin e tij”.

Alves shpallet i pafajshëm për akuzën e përdhunimit dhe për momentin avokatët e tij nuk kanë saktësuar nëse do të kërkohet apo jo një dëmshpërblim për prishje të imazhit.

Ish-lojtari i Barcelonës u dënua me 4 vjet e gjysmë burg, por doli nga burgu më 25 mars 2024 pasi pagoi garancinë prej 1 milion euro.

apeli

dani alves

i pafajshem

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.