Inter, Taremi humbet derbin dhe sfidën kundër Bayernit

Futboll Bota | 2 vite më parë

Lajm i keq nga infermieria për Interin. Mehdi Taremi, që mungoi në minutën e fundit ndaj Udineses, iu nënshtrua testeve klinike dhe instrumentale mëngjesin e sotëm në Institutin Klinik Humanitas në Rozzano.

Testet, raporton sot në një shënim zyrtar klubi zikaltër, “kanë nxjerrë në pah një tendosje në aduktorët e kofshës së majtë. Situata e tij do të rivlerësohet javën e ardhshme”.

Prandaj, sulmuesi iranian me siguri do të humbasë derbin e Kupës së Italisë kundër Milanit në mesjavë, ndeshjen e kampionatit kundër Parmës dhe ndeshjen e parë çerekfinale të Ligës së Kampionëve kundër Bayernit të Mynihut, të planifikuar për 8 prill.

Me Lautaron ende në rrugën e rikuperimit (kundër Milanit do të jetë maksimumi në pankinë) dhe Taremin jashtë, Inzaghit i kanë mbetur Thuram, Arnautovic dhe Correa në repartin e sulmit.

inter

Taremi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.