Shqipëria pritet të hapë negociatat për Grupkapitullin 4, Rama: Konfirmon përgatitjen dhe progresin drejt BE

Politikë | 1 vit më parë

Kryeministri Edi Rama ka përshëndetur lajmërimin që i është bërë vendin tonë për hapjen e negociatave për Grupkapitullin 4 – “Agjenda e Gjelbër dhe Ndërlidhja e Qëndrueshme”. Kryeministri Rama vlerëson se ky vendim i vendeve anëtare të BE-së konfirmon përgatitjen dhe progresin konkret në rrugën drejt familjes europiane.

“Shqipëria nuk ndalet, një tjetër hap i rëndësishëm drejt anëtarësimit në BE. Sot, më 11 qershor 2025, Shqipëria mori dritën jeshile për hapjen e negociatave për Grupkapitullin 4 -“Agjenda e Gjelbër dhe Ndërlidhja e Qëndrueshme”. Ky vendim i vendeve anëtare të BE konfirmon përgatitjen tonë dhe progresin konkret në rrugën drejt familjes europiane. Ky është një hap tjetër drejt Shqipërisë 2030, vend krenar i Bashkimit Europian”, shkruan Rama.

Kapitujt përfshijnë:

• Politikat e transportit (Kapitulli 14),

• Energjia (Kapitulli 15),

• Rrjetet trans-europiane (Kapitulli 21),

• Mjedisi dhe klima (Kapitulli 27).

/rtsh.al/

grupkapitull

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.