Eliminatoret Botërori 2026/ Guéhi në dyshim për ndeshjet me Serbinë dhe Shqipërinë, Tuchel grumbullon Chalobah

Botërori 2026 | 12 muaj më parë

Kombëtarja e Anglisë ka bërë disa ndryshime në listën e të grumbulluarve që publikoi Tomas Tuchel të premten e kaluar për takimet me Serbinë dhe Shqipërinë.

Për shkak dëmtimi, komisarit teknik gjerman i është dashur që të ndryshojë planet pasi si Anthony Gordon dhe Nick Pope janë kthyer në Newcastle.

Paraditen e sotme Tuchel ka kontaktuar me stafin e mjekëve pasi Marc Guéhi ka pësuar një dëmtim në ndeshjen e fundit me Crystal Palace. Prania e qendërmbrojtësit në ndeshjet e radhës është në dyshim.

Për këtë motiv Tuchel ka grumbulluar mbrojtësin e Chelsea-t, Trevoh Chalobah. Ndërsa sa i përket zëvendësuesit të Nick Pope, gjermani ka grumbulluar portierin e Manchester City-t, James Trafford.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.