Zyrtare: Raffaele Palladino është trajneri i ri i Atalantës

Futboll Bota | 12 muaj më parë

Raffaele Palladino është bërë zyrtarisht trajneri i ri i Atalantës, duke zëvendësuar Ivan Juriçin e shkarkuar. Palladino ka nënshkruar një kontratë deri më 30 qershor 2027 me skuadrën zikaltër.

Trajnerit të ri i janë bashkuar edhe gjashtë anëtarë të rinj të stafit, përfshirë asistentin Stefano Citterio. Palladino do të debutojë me Atalantën të shtunën, më 22 nëntor, kundër Napolit në stadiumin Maradona.

“Atalanta BC ka kënaqësinë të njoftojë se roli i drejtuesit teknik të Ekipit të Parë i është besuar Raffaele Palladinos, trajnerit 41-vjeçar i cili ka koleksionuar në karrierë si trajner 126 ndeshje në elitën e futbollit italian, nga të cilët 73 me Monzën dhe 53 me Fiorentinën”, shkruhet në njoftimin e klubit zikaltër.

Atalanta

Raffaele Palladino

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.