Rrëshqitje masive dheu në qytetin Niscemi në Sicili, situatë dramatike, zhvendosen qindra banorë

Europë | 9 muaj më parë

Në Niscemi, një qytet i madh në provincën e Caltanissetta në Sicili, fenomeni i rrëshqitjes së dheut është përkeqësuar ndjeshëm, duke u zgjeruar me një kilometër gjatë natës dhe duke arritur tashmë një front prej katër kilometrash.

Situata ka detyruar autoritetet të evakuojnë rreth 1 mijë banorë nga shtëpitë e tyre, ndërsa numri pritet të rritet.

Nga tre rrugët provinciale që lidhin zonën me pjesën tjetër të territorit, vetëm njëra mbetet e kalueshme, duke e bërë qarkullimin dhe furnizimin e banorëve tepër të vështirë. Autoritetet paralajmërojnë se toka vazhdon të shembet, duke e bërë emergjencën gjithnjë e më kritike.

/rtsh.al/

Itali

rreshqitje dheu

sicili

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.