Elbasani shtang Tiranën në “Selman Stërmasi”

Abissnet Superiore | 8 muaj më parë

Elbasani triumfon në “Selman Stërmasi” në javën e 27-të të “Abissnet Superiore” duke mposhtur Tiranën me rezultatin 1-0 në një ndeshje që erdhi për shikuesit në ekranin e RTSH1.

Në pjesën e parë, Xhixha dha sinjalin e parë për formacionin bardheblu, ndërsa elbasanasit u përgjigjën me Lokuilin. Megjithatë, në fund është Ze Gomes që tregohet i saktë në finalizim duke përfituar dhe nga një hezitim i mbrojtjes bardheblu për të kaluar Elbasanin në avantazh.

Në pjesën e dytë, Tirana u shfaq më kërkuese, por pa arritur të bëjë si duhet detyrën në metrat e fundit. Në fund të takimit nuk mungon dhe tensioni, por rezultati mbetet i pandryshuar. Elbasani fiton 1-0 dhe ëndërron, Tirana pëson humbjen e katërt radhazi dhe mbetet në zonën e errët të klasifikimit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.